Республиканское государственное учреждение «Центр геральдических исследований» Комитета архивов, документации и книжного дела Министерства культуры и информации Республики Казахстан

1. Мемлекеттік мекеме қызметінің мәні:

1) ведомстволық және оларға теңестірілген өзге де наградалардың геральдикалық сипаттамасын жетілдіру жөнінде ұсыныстар, сондай-ақ мемлекеттік сәйкестендіру рәміздері мен геральдикалық белгілерді насихаттау және енгізу жөнінде ұсынымдар әзірлеу;

2) мемлекеттік рәміздер мен ведомстволық және оларға теңестірілген өзге де наградаларды пайдалану мәселелері бойынша нормативтік құқықтық актілерді әзірлеуге қатысу;

3) мемлекеттік рәміздерді және геральдикалық белгілерді қолдану бойынша халықаралық тәжірибені зерделеу.

2. Мемлекеттік мекеме қызметінің мақсаты мемлекеттік рәміздерді және геральдикалық белгілерді пайдалану саласындағы жұмысты іске асыру болып табылады.

3. Мемлекеттік мекеме мақсатқа қол жеткізу үшін мынадай қызмет түрлерін жүзеге асырады:

1) ведомстволық наградаларды сипаттауға қойылатын бірыңғай талаптарды әзірлеу;

2) мемлекеттік рәміздер мен геральдикалық белгілерді қолдану және насихаттау мәселелері бойынша нормативтік құқықтық базаны жетілдіру жөнінде ұсыныстар әзірлеу;

3) мемлекеттік рәміздер мен геральдикалық белгілерді қолдану және насихаттау жөнінде әдістемелік ұсынымдар әзірлеу;

4) орталық және жергілікті атқарушы органдарға мемлекеттік рәміздер мен геральдикалық белгілерді қолдану және насихаттау мәселелері бойынша консультациялық және әдістемелік көмек көрсету;

5) мемлекеттік мекеменің құзыретіне жататын мәселелер бойынша мемлекеттік органдармен, лауазымды тұлғалармен және ұйымдармен хат алмасуды жүргізу;

6) мемлекеттік рәміздер мен геральдикалық белгілерді қолдану мен насихаттау мәселелері бойынша орталық және жергілікті атқарушы органдармен, үкіметтік емес ұйымдармен, сондай-ақ бұқаралық ақпарат құралдарымен өзара іс-қимыл жасау;

7) Қазақстан Республикасы заңнамасының талаптарына сай келетін және мемлекеттік мекеменің жарғысына қайшы келмейтін өзге де қызмет түрлерін жүзеге асыру.

4. Мемлекеттік мекемеге осы жарғыда бекітілген өз қызметінің мәні мен мақсаттарына сай келмейтін қызметті жүзеге асыруға, сондай-ақ мәмілелер жасауға тыйым салынады.

5. Мемлекеттік мекеме қызмет мақсаттарына қайшы жасалған мәміле, Қазақстан Республикасының шектеулі заңдарында немесе құрылтай құжаттарында не басшының жарғылық құзыретін бұза отырып, жасалған мәміле уәкілетті органының немесе мемлекеттік мүлік жөніндегі уәкілетті органның талабы бойынша жарамсыз деп танылуы мүмкін.

Количество работников: 20