Коммунальное государственное учреждение «Общеобразовательная средняя школа №1» отдела образования Бескарагайского района управления образования области Абай

«Жайлы мектеп» ұлттық жобасын іске асыру шеңбер аясында салынған Абай облысы Бесқарағай ауданы Бесқарағай ауылындағы Ж.Жабаев көшесі 58Б мекенжайы бойынша орналасқан 300 орынға арналған Абай облысы білім басқармасының Бесқарағай ауданы білім бөлімінің «№1 жалпы білім беретін орта мектебі» КММ 2025 жылдың 1 сәуірінде ашылды. Оқыту тілі – қазақша. Мектепте 26 сынып, оның ішінде 3 мектепалды даярлық сыныбы. Барлық оқушылар саны - 491. 

«№1 жалпы білім беретін орта мектебі» КММ-нде 53 мұғалім (педагог-зерттеуші -16, педагог-сарапшы – 12,  педагог-модератор – 12, педагог - 13), 2 педагог-психолог, әлеуметтік педагог, аға вожатый жұмыс жасайды. Әкімшілік-техникалық қызметкерлер саны - 24.

«Жайлы мектеп» ұлттық жобасы аясында салынған мектеп заманауи талабына сәйкес толық жабдықталған, оқушылар мен ұстаздарға арналып барлық жағдай жасалынған. Мектеп іші кең, техникалық жарақтануы жай мектептерге қарағанда артық. Мектепте робототехника кабинеті, STEM-зертханасы, хореография залы, коворкинг аймағы, үлкен спорт залы, театрланған көріністерді қоюға ыңғайландырылған акт залы, оқу залы бар кең кітапхана, сондай-ақ алғашқы әскери дайындық үшін арнайы ашық алаң оқушылардың алансыз білім алуларына өз үлесін қосуда. Бастауыш және жоғары сынып оқушылары бөлек блоктарда білім алады. Әр блокта оқушылар мен педагогтер үшін демалыс аймақтары ұйымдастырылған. 

Мектепте ерекше білім беру қажеттіліктері бар балалар үшін жеке санитарлық бөлме, кең кабинет қарастырылған. Сонымен қатар мектепте жеделсаты, пандус, арнайы белгілер, психолог, сенсорика кабинеті бар.

Сонымен бірге мектеп заманауи бейнебақылау және мектепке кіріп-шыққандарды қадағалау жүйемен қамтамасыз етілген.

Количество работников: 77