Бухгалтер мынадай лауазымдық міндеттерді атқарады:
3.1. «Ш.Тоқжігітов атындағы орта мектебі» КММ есепке алу мен есеп беру ісінің тиімді ұйымдастырылуын қамтамасыз етеді. Бұл орайда есепке алу-есептеу жұмыстарын барынша механикаландыру, бухгалтерлік есеп пен бақылау-тексерудің прогрессивті формалары мен әдістерін қолдану шараларын жүзеге асырады.
3.2. Мемлекеттік қаржылық тәртіпті сақтауға бағытталған іс-шараларды әзірлеу мен жүзеге асыру жұмыстарын басқарады.
3.3. Бухгалтерлік есептің тиісті учаскелері бойынша бастапқы құжаттарды қабылдап, тексереді және оларды есептік өңдеуге дайындайды.
3.4. Құжаттардың заңды түрде, дер кезінде және дұрыс ресімделуін бақылайды.
3.5. Ішкі шаруашылық резервтерін орындау, ысырап пен өнімсіз шығындарды реттеу мақсатында бухалтерлік есеп пен есеп беру мәліметтері бойынша шаруашылық-қаржылық қызметке экономикалық талдау жасалуын қамтамасыз етеді.
3.6. Кем шығу, ақшалай қаржы мен тауарлық-материалдық құндылықтардың заңсыз жұмсалуы, қаржылық және шаруашылық заңнамаларының бұзылуы секілді келеңсіз көріністердің алдын алу мақсатында шаралар қабылдайды.
3.7. Ақшалай қаржыларға, тауарлық-материалдық құндылықтарға, есептер мен төлемдік міндеттемелерге инвентаризация жүргізу ісіне қатысады.
3.8. Ақшалай қаржылар мен тауарлық-материалдық құндылықтардың кем шығу және талан-таражға түсу жағдайлары бойынша тиісті құжаттардың ресімделуін жүзеге асырады, қажет болған жағдайда бұл құжаттарды тергеу, сот органдарына тапсырады.
3.9. Штаттық, қаржылық, кассалық тәртіптің қатаң сақталуын, әкімшілк-шаруашылық және өзге де шығындар сметаларының, бухгалтерлік баланстан кем шығуларды, дебиторлық қарыздарды және басқа ысыраптарды есептен шығару заңдылығының, бухгалтерлік құжаттардың сақталуын, сондай-ақ олардың ресімделуін және белгіленген ретпен мұрағатқа тапсырылуын қамтамасыз етуге байланысты жұмыстарды жүргізеді.
3.10. Қажетті бухгалтерлік есеп беру құжаттарын дер кезінде жасап, оларды белгіленген мерзімде тиісті органдарға тапсырады.
3.11. Есеп құжаттамаларын жүргізудің оңтайлы әдістерін әзірлейді және қолданысқа ендіреді, есепке алу-есептеу жұмыстарын механикаландыру жөнінде шаралар қабылдайды.
3.12. «Ш.Тоқжігітов атындағы орта мектебі» КММ қызметкерлеріне есепке алу, тексеру, есептілік пен экономикалық талдау мәселелері бойынша әдістемелік көмек көрсетеді.
3.13. Бухгалтерия орын-жайларында қатаң есептіліктегі ақшалай қаржылар мен құжаттарды сақтау ережелерінің, өрт қауіпсіздігі және санитария нормаларының орындалуын қадағалайды, есептеуіш техникалар мен қолданыстағы басқа да техникалардың қауіпсіз пайдаланылуын қамтамасыз етеді.
3.14. Қаржылық-шаруашылық қызмет балансын жасайды.
- Адаптивность;
- Аккуратность;
