Женское общественное объединение "Ақ босаға"

«Ақ босаға» әйелдер қоғамдық бірлестігі 2006 жылы 5 шілдеде қоғамның барлық саласындағы әйелдердің белсенділігін арттыру және бала тәрбиесіндегі, отбасындағы  әйел ананың ролін арттыру мақсатында Қорқыт Ата атындағы Қызылорда мемлекеттік университетінің профессор оқытушылар құрамының негізінде құрылды. «Ақ босаға» бірлестігінің мүшелері Сыр өңіріндегі білім, ғылым саласында еңбек етіп жүрген тәжірибелі ғалымдардан құрылған. Жарғыда көрсетілгендей, қоғамның барлық өмірінің салаларындағы әйел-ғалымдардың ролі мен азаматтық бастамшылығын,  қоғамдық саяси белсенділігін арттыра отырып, олардың әр түрлі жобаларға, байқауларға қатысуға ықпал ету көзделген. Сонымен қатар, әйелдер қоғамдық бірлестігі мемлекеттің демографиялық саясатын насихаттап, отбасы құндылықтарын дамытуға  арналған  шараларды іске асырды. Бірлестіктің мүшелері әр түрлі мамандық иелері, яғни олар психологтар, педагогтар, экономисттер, қоғам қайраткерлері, белсенді жастар болып табылады. Бірлестіктің төрайымы – экономика ғылымдарының кандидаты, Тажиева Зейнар Дастановна. 

Количество работников: 5