Еңбек мобильділігі орталығы және мансап орталықтары
Қазақстан халқының мемлекеттік жұмыспен қамту қызметі
2023 жылғы 1 шілдеде күшіне енген Әлеуметтік кодекске сәйкес облыс орталықтарында, Астана, Алматы және Шымкент қалаларында еңбек мобильділігі орталықтары жұмыс істейді.
Еңбек мобильділігі орталықтары өңірдің жұмыс күшіне сұраныс пен ұсынысқа талдау және болжам жасайды, халықты өңірдің еңбек нарығының жай-күйі туралы хабардар етеді және мансап орталықтарын басқарады.
Еңбек мобильділігі орталықтары жұмыс берушілер мен азаматтарға мансап орталықтары арқылы қызметтер көрсетеді.
Қазақстанда аудандар мен қалаларда орналасқан 20 еңбек мобильділігі орталығы және 207 мансап орталықтары жұмыс істейді.
