Барлығы қалай басталды
Еnbek.kz порталы 2018 жылы құрылған. Ол кезде біздің алдымызда маңызды міндет тұрды: әлеуетті қызметкерлердің бос орындарға, ал жұмыс берушілердің түйіндемелерге қолжетімділігін барынша оңайлату. Біз бұған қол жеткіздік. Бірақ жаңа уақыт жаңа сын-тегеуріндерді тудырды.
Бүгінгі күні біз қай деңгейдеміз
Осы тұрақсыз уақытта бізге қазақстандықтарды онлайн-сервиспен қамтамасыз ету маңызды болды. Біз порталдың функционалын кеңейттік және азаматтарға әлеуметтік қызметтердің толық спектріне барынша толық қолжетімділікті ұсынуға тырыстық.
Бүгінгі күні enbek.kz - тек электрондық еңбек биржасы ғана емес, жұмыспен қамту және әлеуметтік қамтамасыз етумен байланысты қызметтердің толыққанды операторы.
Алдағы жоспарда не бар
Біз дамуды жалғастырамыз және портал тұжырымдамасын толығымен өзгертіп, оны тұтас экожүйеге айналдырамыз. Ол бос жұмыс орындарын ғана емес, сонымен қатар онлайн-оқыту мүмкіндіктерін, мемлекеттік қолдаудың басқа нысандарына қолжетімділікті және тиімді еңбек нарығының басқа да маңызды элементтерін қамтиды.
Біз әрбір қазақстандықтың өз кәсібін жүзеге асыра алуына және ол үшін барлық қажетті құралдардың болуына ұмтыламыз. Бәсекеге қабілетті және қолжетімді еңбек нарығы - еліміздің дамуы мен өркендеуінің кепілі.
