Камаев Сергей Васильевич

Сергей Васильевич, машина жасаудың Қазақстандағы ағымдағы дамуына қандай баға бересіз? Сіздің пікіріңізше, ҚР саланың дамуына ең үлкен ықпал еткен соңғы бес жыл ішіндегі басты үш оқиғаны атап беріңізші.

Біз 90-ыншы жылдардағы қиын жағдайлардан кейін жағдайды тұрақтандырып, болашақта осы саланың дамуы үшін бірқатар дайындамалар жасадық. Менің ойымша, біз тұрақты дамуға өту кезеңінде тұрмыз. Біз үшін маңызды оқиғалар деп, салалық іс-шаралар мен алаңдарды ұйымдастыру, мысалы «АММ» - Тау-кен металлургиялық конгресі мен «Қазақстанды құрамыз». Нақты құралдар деп «Атамекен» ҰКП мен «Даму» кәсіпкерлікті дамыту қоры болып табылады.

Әлемде қазіргі таңда машина жасаудың дамуы қандай тренділердің ықпалымен болып жатыр деп ойлайсыз? Алдағы 10-15 жылда отандық машина жасаудың дамуына ең көп ықпал ететін үш трендіні атаңыз. Болашақта осы тренділердің ықпалымен салада қандай өзгерістер болады?

Әлем процестерді цифрландыру мен өндірістерді автоматтандыру жолымен дамып келе жатқандықтан бұл тренділер машина жасауға көбірек ықпал етеді. Өндірісті виртуалды даярлау, процестерді бақылау мен жүйелендіруді автоматтандыру машина жасау кәсіпорындарының ішінде өтетіндіктен (өндіріс процесі мен жаңа мамандықтардың пайда болуы) шығарылатын бұйымдарға да қатысты болады (дәлдік, өзіндік құны, өндіріс мерзімдер).

Сіздің пікіріңізше, отандық машина жасаудың жақын кезеңде дамуына ықпал ететін үш технология қандай болмақ? Сала осы технологиялардың енгізілуімен қалай өзгермек?

3D-технологиялар өндірісі мен сапа бақылаудың перспективасы жоғары. Отандық машина жасау ұсақ сериялы өндірістер үшін (нақты құю түрлері немесе ақаулары) қосымша өңдеуден кетуді қамтамасыз ететін жаңа әдістерді дамытуға зәру. Менің пікірімше, металдарды композиттермен және материалдарды жеңілдетудің жаңа әдістерінің де перспективасы бар.

Сергей Васильевич, Қазақстанның машина жасау саласын 10-15 жылдан кейін қандай деп көресіз? Ол қандай бағытта өзгеретін болады? Технологиялық даму қандай деңгейге жетеді, қандай бұйымдар шығарылады және т.с.с.?

Қазақстанда дәлдігі жоғары машина жасаудың ең заманауи технологияларын қолдануды, сондай-ақ, шикізаттарды екінші рет қайта пайдалануды дамыту қажет деп есептеймін. Цифрландыру мен автоматтандыруды (роботтандыруды) міндетті түрде енгізу қалыпты құбылыс болып, өндірістің жоғары стандарттарын қамтамасыз етуі тиіс. Импортты алмастыруға баса назар аудару қажет. Әсіресе, бұл пайдалы қазбаларды игеру мен қайта өңдеу жабдықтарының дәлдік қажет ететін, күрделі тораптарының өндірісін меңгеруге қатысты. Сонымен бірге, тұрмыстық қолданыстағы роботтардың болашақ өндірісіне дайындама құру керек.

Қазіргі таңда Сіздің компанияңыз бен тұтастай алғанда саланың дамуына қандай мамандықтардың жоқтығы кедергі келтіреді, айтып берсеңіз? Бұл мамандардың жоқтығы неге байланысты?

Қазіргі таңда қиындықтар инженерлік қызметкерлерге қатысты. Бұл конструкторлар, технологтар және т.б. Сонымен қатар, СББ бар білдек операторлары жетіспейді, олар уақытқа қарай оқуға дайын және білдектердің жаңа жұмыс жүйелерге өтуге дайын оператор мамандар. Мүмкін себептердің бірі жұмысшы мамандықтардың танымалдылығының төмендеуі деп санаймын. Қазір кеңсе қызметкерлерінің уақыты. Бұйым шығаратын адамдардың мәртебесі мен беделін көтеру керек.

Сіз алдағы 10-15 жыл ішінде машина жасау саласында қандай жаңа кәсіптер пайда болады деп есептейсіз, ал болашақта қандай мамандықтар өзінің өзектілігін жоғалтады немесе өзгереді деп ойлайсыз? Қызметкерлердің қандай құзыреті көбірек сұранысқа ие болады?

Жаңа технологиялар дәуірімен бірге, әрине, мамандықтар да өзгереді. Менің ойымша, робот техникаларын жобалау және оларға қызмет көрсету саласындағы мамандар пайда болады. Виртуалды жобалау, Big Data, материалдарды қайта пайдалану жаңа мамандықтардың пайда болуын қамтамасыз етеді. Осы кезде дәнекерлеушілердің, білдекте істейтін жұмысшылардың, операторлардың жұмысы өзгереді. Ал, есеп жүргізушілер, қойма шаруашылығының кейбір жұмысшылары, бақылаушылар мен таңбалаушылар жоғалып кетуі мүмкін. Бұл мамандық иелеріне алаңдаудың қажеті жоқ, бұл технологиялар мен мамандықтардың қалыпты эволюциясы. Ең бастысы, адам жаңаны оқып-үйренуге, оны меңгеруге, сонымен қатар, Big Data-мен жұмыс істеу қабілеті болатындай қасиеттері болу керек.