Шайкенова Рашида Рашидовна

Туризм – көп векторлы сала, біздерге көптеген салалардың тікелей және қосымша қатысы бар. Біздің қауымдастық Қазақстанның көптеген өңірлерінің қатысушыларын біріктіреді, біз қауымдастық мүшелерінің мүддесін алға қоямыз, Қазақстан аумағында экотуризмді дамытумен айналысамыз, біздің қолдауымызбен 150 қонақ үй құрылды.

Туризмде негізгі проблема - бұл кадр мәселесі. Біздің қауымдастық ЖОО және ТжәнеКБ тығыз байланыста жұмыс істейді, ең алдымен педагогтарды дайындаймыз, біздің педагогтар нарықтағы болып жатқан өзгерістер жайлы білетіндей барлық жағдайларды жасап жатырмыз.

Бұдан басқа, біз шетелдік тілшілер үшін, шетелдік туристік операторлар үшін ақпараттық турлар өткіземіз, барлық жәрмеңкелерге қатысамыз, егер біз өзіміз жайлы айтпасақ, біз туралы ешкім айтпайды.

Өткен 10-15 жыл ішінде саладағы өзгерістер біршама маңызды болды. Қазақстандық туристік нарықтың қатысушылары тек табиғатпен ғана пайда табу көп нәтиже бермейтіндігін түсіне бастады. Осы 2-3 жыл бұрынғы уақытты мен турист нарығының қайта жүктелу кезеңі деп атар едім.

Біздің елдің айналасындағы табысқа жеткен көршілердің ішінен бәсекеге қабілетті орта біздің өкшемізді басып жақын тұр, олар біздің клиенттерімізді баурап әкетіп жатыр, себебі біршама қызықты туристік өнімдерді ұсыну мүмкіндіктеріне ие. Бұл кезеңді біз «өзінің қайнар көзіне қайту» деп атаған қайта жүктелу кезеңі деп атадық, себебі «табиғатты» мәдениетімізбен, тарихымызбен бірге көрсете білуіміз керек. Туристер үшін біздің көшпенді мәдениетіміз, түркілік өркениетіміз өте қызықты. Сол себепті, біз нарық қатысушылары үшін мәдениет тарихын терең зерделеу жөніндегі вебинарлар мен семинарлар сериясын өткізіп, осы мазмұндағы өзіміздің мәдеиетімізбен жүру бағыттарын толтырып, жүргізетін жұмыстарды жүргіздік.

Туристік бизнесті цифрландыруға көшіру қажеттілігі туралы ұғым да туындап отыр, ол маңызды тренділердің бірі болып табылады және біздің нарықтың қатысушыларына өз клиенттік базасын ұлғайтып, жақсы табыс табуға мүмкіндік береді. Біз, тек туризм - бірінші кезекте экономика екендігін, кәсіпкерлік дағдыларды қалыптастыру, студенттерді экономикалық қырынан үйрету, қаржы құралдарын меңгерту, нарықта күнкөріс және осы нарықта бәсекеге қабілетті болу қажеттілігін енді түсіне бастадық.

Қазіргі таңда туристік ұйымның менеджері - бұл окрестр адамы, ол бірнеше бағдарламаны игеріп, әлемнің қалаған нүктесіне кез-келген турды қалыптастырып, әдемі жылтыр орауымен өзінің клиентіне сата алады, Және де, біздің кадрлар мұндай жұмысқа дайын болмаса, жаңа технологияларды игермесе, онда біз персоналды жоғалтып аламыз.

Технологиялардың дамуымен, әрине персонал қысқартылады, себебі интернет ғаламында адамдар билеттерді өздері бронға қояды. Бірақ, гидтар мәңгілікке қалады, себебі тірідей қатынасты ештеңе алмастыра алмайды. Менеджердің жұмысы жаңа мазмұнда толығысады, ол бір оркестр адам болады және технологиялық менеджерге өзгереді.