«Қорғас» ШЫХО - бұл «Нұрлы жол» жаңа экономикалық саясаты мен «Жібек жолы экономикалық белдеуі» стратегиясы аясындағы Қазақстан Республикасы мен Қытай Халық Республикасының бірегей, бірлескен қазақ-қытай жобасы. Халықаралық «Қорғас» шекара маңы ынтымақтастығы орталығын құру Қазақстан Республикасының Тұңғыш Президенті Нұрсұлтан Назарбаевтың 2002 жылы Қытай Халық Республикасына жасаған ресми сапары кезінде басталды. Осы сапардың нәтижесі Қазақстан Республикасының Үкіметі мен Қытай Халық Республикасының Үкіметі арасындағы «Қорғас» ШЫХО-ны құру және қызметін реттеу туралы үкіметаралық келісімдер жасалды. «Қорғас» ШЫХО Алматы облысының Панфилов ауданында екі мемлекеттің шекаралас аумақтарында орналасқан және мемлекеттік шекара арқылы өтетін «Арнайы өткелмен» байланысты. «Қорғас» ШЫХО АЭА аумағы 608,56 гектарды құрайды. Жобаның бірегейлігі - орталық аумағында жеке тұлғалардың 30 күн бойы визасыз болу мүмкіндігі, келушілердің, тауарлар мен көліктердің, мемлекет есебінен салынған дайын инфрақұрылымның еркін қозғалысы қарастырылған. Инвестициялық ахуалды жақсарту үшін 2017 жылы Қазақстан Республикасының 6 қазандағы No 624 қаулысымен «Қорғас» ШЫХО арнайы экономикалық аймағы құрылды.