2020 жылдың 28 қазанында Нұр-Сұлтандағы ЕҚЫҰ Бағдарламалар офисі жастарға және көпшілікке Қазақстандағы мансаптық жоспарлау және жұмысқа орналасу мүмкіндіктері туралы вебинар ұйымдастырды.

Сарапшы Саясат Нұрбек жаңа кәсіптер, дағдылар мен өзгермелі еңбек нарығындағы жастардың мүмкіндіктері туралы презентация жасады. Ол оның басшылығымен жастарға еңбек нарығының болашақ тенденцияларын түсінуге және алдағы онжылдықта өзекті болатын немесе пайда болатын мамандықтар мен дағдыларды анықтауға көмектесетін кәсіптік бағдарлау құралы - «Жаңа мамандықтар атласы» жобасын атап өтті. Вебинарға шамамен 35 адам қатысты.

Сарапшы сонымен бірге қатысушылармен бүкіл әлемдегі және Қазақстандағы экономикалық өзгерістердің әсері туралы сұхбаттасты. Ол жастардың еңбек нарығындағы өзгерістерге қалай төзімді бола алатындығын түсіндірді.

Іс-шара қабылдаушы елдегі жастарды қатыстыруды ілгерілету жөніндегі Бағдарламалар офисі жұмысының бір бөлігі болып табылады.