"Солтүстік Қазақстан облысы әкімдігінің білім басқармасы" коммуналдық мемлекеттік мекемесінің "Петропавл қаласының білім бөлімі" коммуналдық мемлекеттік мекемесі "Алпамыс" бөбекжай-бақшасы" мемлекеттік коммуналдық қазыналық кәсіпорны

           Біздің балабақша 2013 жылдың 31 желтоқсан айында кішкентай бүлдіршіндеріне өз есігін айқара ашты. Жас ерекшелігіне сай 4 топ жұмыс істейді, тізім бойынша 64 санын құрайды. Оқу-тәрбие үдерісі мемлекеттік тілде жүргізіледі. Штаттық кесте бойынша  30 қызметкер жұмыс атқарады. Оның ішінде 14 педагог мамандар.

            Жас бүлдіршіндерді мектепке дейінгі тәрбие мен оқытудың үлгілік оқу  бағдарламасы бойынша оқытып, тәрбиелейді.

          Балабақша тәрбиешілері мен педагог мамандары жыл сайын кәсіби біліктілік деңгейлерін көтереді. Сонымен қатар семинарларға, шеберлік сағаттарына жиі қатысып, өз тәжірибелерімен бөліседі.  Баспаларға мақалалар жіберіп және интернет ақпарат құралдары арқылы өздерінің еңбектерін жиі жариялап бөлісіп отырады. Балабақша педагогтары мен тәрбиеленушілері  жыл сайын қалалық және облыстық деңгейде құрмет грамотасы және дипломдарымен марапатталуда.    Біздің балабақша, білім беру мен тәрбиелеу үдерісін ұйымдастырып қана қоймай, сонымен қатар, өз құндылықтарын, тарихын және дәстүрлерін меңгерген адам, ел азаматтарын тәрбиелейтін балабақша. Ішкі мәдениетке ие кең ой-өрісі бар адамдар шығармашылық және өздігінен ойлана алады. Біз сіздерге және балаларыңызға әрдайым қуаныштымыз!

Қызметкерлер саны: 29