«Электрондық еңбек биржасы» порталының қолданушы келісімі

Электрондық еңбек биржасы (бұдан әрі – портал) бос жұмыс орындарын және түйіндемені ақысыз негізде жариялауды, жарияланған ақпаратқа еркін қол жеткізуді қамтамасыз ететін жұмысқа орналастыру бойынша цифрлық алаң болып табылады.

Электрондық еңбек биржасы мемлекеттік жұмыспен қамту орталықтарынан, сондай-ақ жұмыс берушілерден, жұмыспен қамтудың жекеше агенттіктерінен және онлайн-алаңдардан бос жұмыс орындар мен түйіндемелерді өзінде біріктіреді.

Порталда (www.enbek.kz) тіркелу кезінде Қолданушы осы Қолданушы келісімін және Қауіпсіздік саясатын қабылдайды, дербес деректерді жинауға және өңдеуге келіседі.

     1. Портал қолданушыларының жеке ақпаратына қол жеткізуі

1.1 Порталда орналастырылған барлық ақпарат халықты жұмыспен қамту орталықтары үшін жұмысқа орналастыру мен қызметкерді іріктеуге жәрдемдесу мақсатында нақтылау және одан әрі пайдалану үшін қолжетімді.

1.2 Қызметкерлерді жұмысқа орналастыру мүмкіндіктерін кеңейту үшін бос орындар мен түйіндемелер Еуразиялық экономикалық одаққа кіретін бес мүше мемлекеттің (Қазақстан, Армения, Беларусь, Қырғызстан, Ресей) интернет-порталдарының деректері бойынша жұмыс іздеуді және қызметкерді іріктеуді жүзеге асыруға мүмкіндік беретін «Шекарасыз жұмыс» бірыңғай іздеу жүйесінде көрсетіледі.

1.3 Қолданушының жеке бөліміне арналған құпия сөзінен және түйіндемедегі жұмыс іздеушілердің жеке деректерінен басқа порталда орналасқан барлық ақпарат жалпыға қолжетімді болып табылады. Түйіндемедегі жұмыс іздеушілердің жеке деректері порталда авторизацияланған жұмыс берушілер мен жұмыспен қамтудың жекеше агенттіктеріне ғана қолжетімді.

1.4 Құпия сөздің сақталуына қолданушының өзі жауапты.

1.5 Қолданушы профиліндегі жеке ақпаратты қолданушы өзі тіркелген кезде енгізген бірегей логин (e-mail немесе телефон нөмірі) және құпия сөзі негізінде өзгерте алады.

     2. Кәсіпорын туралы деректерді толтыруға қойылатын талаптар:

2.1 Деректерді қазақ немесе орыс тілдерінде жариялауға болады. Ақпарат қазақ немесе орыс тілінің нормаларына сәйкес келуі тиіс, яғни оларда орфографиялық, пунктуациялық және стилистикалық қателер болмауы тиіс.

2.2 Кәсіпорынды порталда тіркеу үшін электрондық цифрлық қолтаңбаның болуы қажет, осыған байланысты заңды және жеке тұлғалардың ойдан шығарылған атауларын пайдалануға жол берілмейді. Бұл талап порталда толтырылуы қажет басқа деректерге де қатысты.

2.3 Порталда бір компанияны екі немесе одан да көп тіркелуіне тыйым салынады. Егер қолданушы порталға кіру үшін есептік деректерді ұмытып қалған жағдайда, құпия сөзді қалпына келтіру немесе кері байланыс бойынша техникалық қолдауға жүгінуі қажет.

2.4 «Байланыс ақпараттары» бөлімінде кәсіпорынның байланысушы тұлғасы туралы толық және дұрыс ақпаратты көрсетуі қажет.

2.5 Келесі жағдайлар үшін тыйым салында, ал егер анықталған болса, кәсіпорындардың есептік жазбасы жойылады:

  • жалған ақпаратты қамтуы;
  • табыс алудың күмәнді тәсілдері туралы хабарландырулар, оның ішінде интернет желісінде (мысалы, «1000 теңгені электронды әмиянға аударыңыз және 100 есе көп ақша табыңыз»);
  • желілік маркетинг саласындағы бос жұмыс орындары туралы хабарландырулар; 
  • эротикалық немесе интимдік сипаттағы ұсыныстар бар;
  • әдепсіз және қорлайтын сөздер мен сөз тіркестері бар;
  • террористік іс-әрекетті жүзеге асыруға шақыруды қамтитын немесе терроризмді жарилайтын, сондай-ақ экстремистік сипаттағы кез келген басқа да ақпарат;
  • порнографияны, зорлық-зомбылық пен қатыгездікті насихаттайтын;
  • Қазақстан Республикасының заңнамасына қайшы келетін басқа да ақпаратты қамтитын.

     3. Бос жұмыс орнын енгізу үшін нысанды толтыруға қойылатын талаптар:

3.1 «Лауазымның аты» жолағына мамандық (лауазым) жұмыс берушілердің ұсыныстары ескеріле отырып, 2017 жылдың 11 мамырында № 130-од бекітілген ұлттық кәсіптер сыныптауышының негізінде жасалған анықтамалықтан таңдалады. Бұл жолақта контекстік іздеу қосылған және пернетақтадан деректерді енгізу кезінде анықтамалықта бар мамандықтар пайда болады, сол анықтамалықтан өзіңізге қажетті позицияны таңдау керек.

3.2 «Лауазымды айқындап енгізіңіз» жолағына, мысалы, мамандықты, жұмыс учаскесінің атауын, бөлім/департамент атауын енгізуге болады.

3.3 «Лауазымды айқындап енгізу» жолағына қысқартуларды, «шұғыл», «талап етіледі», «назар аударыңыз», «конкурстық негізде» деген сөздерді немесе леп белгісін (!!!), сұрақ белгісін (???), «жұлдызшаларды» ( * * * ) және басқа да символдарды енгізуге тыйым салынады.

3.4 Бос жұмыс орнын «айқындау» жолағына дағдыларды көрсетуге тыйым салындаы: мысалы, «бухгалтер дағдылары бар қызметкер», «жұмыс тәжірибесі бар бухгалтер». Нақты ақпарат беру үшін нысанда арнайы жолақтар қарастырылған.

3.5 Бір бос жұмыс орнын бірнеше рет қайталап енгізуге тыйым салынады.

3.6 Бос жұмыс орны туралы хабарландырудың әртүрлі блоктарында бір мәтінді көшіруге тыйым салынады.

     4. Түйіндемені енгізу үшін нысанды толтыруға қойылатын талаптар:

4.1 Түйіндемені порталда орналастыру үшін электрондық цифрлық қолтаңбаның немесе мобильді азаматтар базасында тіркеудің болуы немесе ЖСН көрсету қажет. Түйіндемеде толық және нақты байланыс деректерін көрсету керек: тегі, аты. Қате деректерді («ааа» және т.б.) немесе толық емес ақпаратты («Руслан ---« және т. б.) көрсетуге тыйым салынады. Бұл талап порталда толтырылуы қажет басқа деректерге де қатысты.

4.2 «Қалайтын лауазым» жолында мамандық (лауазым) жұмыс берушілердің ұсыныстары ескеріле отырып, 2017 жылғы 11 мамырда № 130-од бекітілген ұлттық кәсіптер сыныптауышының негізінде жасалған анықтамалықтан таңдалады. Бұл өрісте контекстік іздеу қосылған және пернетақтадан деректерді енгізу кезінде анықтамалықта бар мамандықтар пайда болады, сол анықтамалықтан өзіңізге қажетті позицияны таңдау керек.

4.3 «Қалайтын лауазымды айқындау» жолағына, мысалы, мамандықты, жұмыс учаскесінің атауын, бөлім/департамент атауын енгізуге болады.

4.4 «Қалайтын лауазымды айқындау» жолағына лауазымды толықтай бас әріппен жазуға тыйым салынады. (Дұрысы: Инженер-программист).

4.5 Қажетті лауазымды «айқындау» жолағында қысқартуларға тыйым салынады, «Кез келген», «Әр түрлі», «Айырмашылығы жоқ» деген сөздерді қолдануға және еңбек ақы тураыл, еңбек дағдылары және өзге де артық мәліметтерді көрсетуге жол берілмейді («Алматыдағы бағдарламашы, толық емес жұмыс күні» немесе «іс жүргізуші, хатшы, кадр өндірісі жөніндегі менеджер» деп жазу дұрыс емес).

4.6 Лауазымды «Айқындау» жолағына дағдыларды көрсетуге тыйым салындаы: мысалы, «Тәжірибесі бар бухгалтер». Нақты ақпарат беру үшін нысанда арнайы жолақтар қарастырылған.

4.7 Әр қалайтын лауазым бойынша бөлек түйіндеме құру қажет.

4.8 Әрбір түйіндеме қалайтын жұмыс орнының тиісті саласына қатысты орналасуы тиіс.

4.9 Түйіндеме фотосы жұмыс іздеушінің нақты фотосын қамтуы тиіс. Фотосурет дұрыс орналастырылуы керек, бір адамның бейнесі болуы керек, құжаттар үшін фото пішімі қажет. Түйіндемеге басқа адамдардың фотосуреттерін орналастыруға тыйым салынады.

4.10 «Орналасқан жері» бөлігінде жұмыс іздеушінің тұратын қаласы/ауданы, елді мекені көрсетілуі қажет.

Портал әкімшілігі осы Қолданушы келісімінің ережелерін бұзғаны үшін пайдаланушының аккаунтын ескертусіз бұғаттау құқығын өзіне қалдырады.

Портал әкімшілігі осы шарттарды толықтыру және өзгерту құқығын өзіне қалдырады.

Жүйеде тіркелу арқылы Сіз Қолданушы Келісімімен келісесіз

2021 жылдың 30 қыркүйегінде өзгертілді

 

Қиындықтар туындады ма?

Бізге техникалық қолдау қызметіне хабарласыңыз, сондықтан біз сіздің мәселеңізді шеше аламыз.