Ізмағанбетова Раушан, 48 жаста. Әкімшінің және актрисаның жұмысы туралы

1. Өзіңіз туралы айтып берсеңіз

Менің атым Раушан Ізмағанбетова, мен 48 жастамын. Мен екі баланың анасымын. Білімім бойынша – француз тілінің мұғалімімін, Абылай хан атындағы Қазақ мемлекеттік халықаралық қатынастар және әлем тілдері университетінің француз тілі факультетін бітіргенмін.

2. Кім болып жұмыс істейсіз?

Қазір мен сұлулық салонының әкімшісімін, бұрын жеке мектепте мұғалім болып жұмыс істедім.

3. Қазір істеп жатқан ісіңізге қалай келдіңіз?

Мен өзгерістерді жақсы көремін және үнемі жаңа нәрсе іздеймін. Өзімді әр түрлі салаларда сынап көргім келеді. Әкімші ретінде жұмыс істеуден басқа, мен түсірілімдерде жұмыс істеймін: әртүрлі жобаларда, жарнамаларда, клиптерде, роликтерде, фильмдерде, бағдарламаларда және т.б түсемін.

4. Жұмысыңыздың қандай артықшылықтар мен кемшіліктері бар?

Әкімші ретінде жұмыс істей отырып, мен компанияның өкілімін. Менің сөздерім маңызды және мен оны басты артықшылықтардың бірі деп санаймын. Негізгі кемшіліктердің бірі – ортақ тіл табуға тура келетін күрделі клиенттер.

Егер түсірілім жұмысы туралы айтатын болсақ, маған әр жолы жаңа және қызықты жерлерге келіп, әртүрлі рөлдерге ие болғаным ұнайды. Мұндай жұмыстың үлкен кемшіліктері – түсірілімге уақыт бөлу үшін ерте тұру қажеттілігі және төлемнің аздығы.

5. Сіздің жұмысыңыздың міндеттері қандай?

Әкімшінің басты міндеттері – бұл клиенттерді қарсы алу және шығарып салу , сондай-ақ қиын жағдайлардан шығу жолдарын табу.

Ал түсірілімдерде нәтижеге жету үшін мен 100%-ға жүктелуім керек.

6. Сіз өз ісіңізді жақсы көресіз бе?

Ия, мен өз ісімді жақсы көремін. Әкімші мен актрисаның жұмысын үйлестіру мен үшін өте қызықты.

7. Сіздің салаңызда қандай қасиеттер бағаланады?

Жауапкершілік, адалдық, қызығушылық және өз ісіңе сүйіспеншілік.

8. Enbek.kz оқырмандарына қандай кеңес бересіз?

Қиындықтарға қарамастан әрқашан алға ұмтылыңыз. Сүйікті ісңізбен айналысыңыз және ләззат алыңыз, өзіңіз үшін жаңа нәрсені іздеуді және ашуды ұмытпаңыз!