Ксения Никитина, 35 жаста. Педагог-тәрбиеші жұмысы мен ашық сөйлесудің маңызы жайлы.
Өзіңіз туралы айтыңыз
Менің аты-жөнім Ксения Никитина. Жасым 35-те, 15 және 8 жастағы екі ұлдың анасымын.
Кім болып жұмыс істейсіз?
Мен білім беру орталығында педагог-тәрбиеші қызметін атқарамын.
Қазір айналысып жатқан ісіңізге қалай келдіңіз?
Кейбір адамдар балалармен жұмыс істегісі келетінін мектептен кейін бірден біледі. Ал кейбір адамдар бұған басқа мамандықта сынап көру арқылы келеді. Мен екіншісіне жатамын. Екі мектеп оқушысын оқытып, тәрбиелеп жүргенде педагог жұмысымен етене танысып, бар қыр-сырымен таныстым. Соның арқасында күн сайын кенже ұлымды білім беру орталығындағы сабағынан алып кеткенде мұғалімдерімен кездесіп, танысып, сол жаққа жұмысқа орналастым.
Жұмысыңызда қандай артықшылықтар мен кемшіліктер бар?
Артықшылықтары:
- сен үнемі «биікте» жүресің, бұл күнде сабаққа дайындалу, сыртқы келбетке қатысты;
- күнде балалармен араласқандықтан, көңіл-күйің көтеріңкі жүреді;
- бір күнің екіншісіне ұқсамайды, себебі күнде бір оқиға болады;
- күн сайын жаңа нәрсені үйренесің.
Кемшіліктері:
- жоғары жауапкершілік;
- айлық табысың аса жоғары емес;
- қиын жағдайларда ата-аналар тарапынан түсініспеушілік болуы мүмкін.
Сіздің жұмысыңызға қандай міндеттер кіреді?
Мен жұмыста балалардың күн тәртібін қадағалап, үй жұмыстарын тексеріп, түрлі мәдени, сауықтыру және басқа да іс-шара өткіземін.
Өзіңіз айналысатын істі жақсы көресіз бе?
Иә, мен жұмысымды жақсы көремін.
Сіздің салаңызда қандай дағдылар бағаланады?
Жауапкершілік, адалдықтан бөлек, балалармен жұмыс істеуге қызығушылық, мейірім, жаңа білім игеруге ынта болуы керек. Мен балалармен ашық сөйлесетін ата-аналар қатарынанмын. Меніңше, кез келген мәселені ортаға салып, бір-біріңді тыңдап, шешімін табу керек.
Enbek.kz оқырмандарына қандай кеңес бересіз?
Бір мәселе пайда болса, үндемей қалмай, қажет адаммен тіл табысып, ол адамның айтқан ойына құрметпен қарау. Өзіңізге, отбасыңыз бен жақындарыңызға қамқор болыңыз!
