Жұмыскерлердің босайтыны туралы мәліметтерді ұсыну
Қазақстан Республикасы Әлеуметтік кодексінің 103 бабына сәйкес жұмыс беруші мансап орталығына жұмыскерлердің алдағы босатылуы туралы ақпаратты босатылғанға дейін кемінде бір ай бұрын жіберуге міндетті:
- жұмыс беруші – жеке тұлға қызметінің тоқтатылуына не жұмыс беруші – заңды тұлғаның таратылуына байланысты,
- адам санының немесе штаттың қысқартылуына байланысты,
- жұмыс берушінің экономикалық жай-күйінің нашарлауына әкеп соққан өндірістер және орындалатын жұмыстар мен көрсетілетін қызметтер көлемінің төмендеуіне байланысты.
Алдағы уақытта жұмыскерлердiң жұмыстан босайтыны туралы ақпаратты:
- мансап орталығына жазбаша түрде;
- Enbek.kz-тегі жеке кабинетінде электронды түрде беруге болады.
Ақпарат қысқартылатын жұмыскерлер туралы келесі мәліметтерді қамтуы тиіс:
- жұмыскерлердiң саны мен санаттары;
- лауазымдары, кәсіптері, мамандықтары, бiлiктiлiгi;
- еңбегіне ақы төлеу мөлшерi;
- жұмыскерлер жұмыстан босатылатын мерзiмдері.
ҚҰҚЫҚТЫҚ НЕГІЗ