Жұмыс берушілердің сұраныстары бойынша кәсіптік оқыту
Жұмыс берушінің сұратуы бойынша халықты жұмыспен қамту орталығы жұмыссыздарды оқу ұйымдарында не жұмыс берушінің жұмыс орнында кәсіптік оқытуды ұйымдастыра алады.
Кәсіптік оқытудың ұзақтығы кәсіптің (мамандықтың) ерекшеліктеріне қарай 6 айдан аспайды.
Оқуға ақы төлеу мемлекеттік бюджет қаражаты есебінен жүргізіледі.
Жұмыссыз оқуды сәтті аяқтаған жағдайда жұмыс беруші Әлеуметтік келісімшарт негізінде ол мәлімдеген жұмыс орнына кемінде 12 ай мерзімге жұмысқа орналастырады.
ҚҰҚЫҚТЫҚ НЕГІЗ
- «Халықты жұмыспен қамту туралы» Қазақстан Республикасының Заңы
- Кәсіптік оқытуды ұйымдастыру және қаржыландыру қағидалары (Қазақстан Республикасы Денсаулық сақтау және әлеуметтік даму министрінің 2016 жылғы 14 маусымдағы № 516 бұйрығы)
- Кәсіптік оқыту бойынша әлеуметтік келісімшарт (Қазақстан Республикасы Денсаулық сақтау және әлеуметтік даму министрінің 2016 жылғы 14 маусымдағы № 516 бұйрығы)