Ерікті түрде қоныс аударуға жәрдемдесу
Еңбек мобильділігі орталықтары (мансап орталықтары) жұмысқа орналасу немесе өз ісін ашу үшін азаматтарды жаңа тұрғылықты жерге ерікті түрде көшіруге жәрдемдеседі:
- жұмыс берушілердің қажеттіліктерін ескере отырып, әлеуметтік-экономикалық даму әлеуеті төмен елді мекендерден әлеуметтік-экономикалық даму әлеуеті жоғары елді мекендерге және экономикалық өсу орталықтарына
- «Халықтың көші-қоны туралы» Қазақстан Республикасының Заңына сәйкес қоныс аударушылар мен оралмандарды қабылдаудың өңірлік квотасы шеңберінде Қазақстан Республикасының Үкіметі айқындайтын өңірлерге
Мемлекеттік қолдау төмендегілерді қамтиды:
- қызметкердің көшуі жұмыс берушінің қаражаты есебінен жүзеге асырылатын жағдайларды қоспағанда, адамдарға және олардың отбасы мүшелеріне материалдық көмек көрсету;
- жұмыс беруші қызметкерге тұрғын үй берген жағдайларды қоспағанда, жатақханаларда қызметтік тұрғын үй немесе бөлмелер беру;
- жұмыс берушінің қажеттілігі болған жағдайда кәсіптік оқыту;
- жаңа тұрғылықты жерінде жұмысқа орналасуға және кәсіпкерлік бастамаға жәрдемдесу;
- жұмысқа орналасуға субсидиялар бере отырып, жұмыс күшінің ұтқырлығын арттыру үшін ерікті қоныс аудару шараларына қатысатын жұмыс берушілерде жұмысқа орналасуға жәрдемдесу.
Қоныс аудару өңірлері туралы ақпаратты мына жерден білуге болады.
ҚҰҚЫҚТЫҚ НЕГІЗ
- Казақстан Республикасының Әлеуметтік кодексі
- Жұмыс күшінің ұтқырлығын арттыру үшін адамдардың ерікті түрде қоныс аудару қағидалары(Қазақстан Республикасы Премьер-Министрінің орынбасары - Еңбек және халықты әлеуметтік қорғау министрінің 2023 жылғы 22 маусымдағы № 234 бұйрығы)
-
Қандастар мен қоныс аударушыларды қоныстандыруға арналған аймақтар Қазақстан Республикасы Үкіметінің 2023 жылғы 4 қыркүйектегі № 765 Қаулысы