Ұлттық жобалар бойынша жұмыс орындарының бірыңғай платформасы
Қазақстанда азаматтардың өмір сүру сапасы мен табысын арттыруға бағытталған 11 Ұлттық жоба іске асырылуда.
Бұл әлеуметтік инфрақұрылымды дамыту (балабақшалар, мектептер, емханалар, ауруханалар салу), қалалар мен ауылдарды абаттандыру, жаңа өндірістер есебінен экономиканы дамыту, кәсіпкерлікті қолдау, серпінді цифрландыру бойынша практикалық жоспарлар.
Барлық осы нақты жобалардың басты нәтижесі – қазақстандықтар үшін жаңа жұмыс орындарын құру және олардың әл-ауқатын арттыру.
Жобаларды іске асыру үшін жұмыс берушілерде кадрларға үлкен қажеттілік бар. Оларға білімі бар, білімі жоқ, әртүрлі уақыт аралығында әртүрлі салалардағы әр түрлі кәсіби мамандар қажет.
Ұлттық жобалар бойынша жұмыс орындарының Бірыңғай платформасында барлық өңірлерден келген ірі кәсіпорындар мен шағын және орта бизнес өкілдерінің мамандықтары, ұсынылатын жалақысы, талап етілетін дағдылары көрсетілген өзекті бос орындары орналастырылған.
3 қарапайым қадамды орындау арқылы Ұлттық жобаларды жүзеге асыруға үлес қосыңыз:
Сізді қызықтыратын бос орынды Бірыңғай платформадан таңдаңыз.
Түйіндемеңізді жасаңыз және оны жұмыс берушіге жіберіңіз.
Сұхбаттан өтіп, жұмыс берушімен еңбек шартын жасаңыз.