Жасыл бастау
Қазақстан Республикасы жаңартылатын энергия секторын (ЖЭК) дамытудың белсенді бағытын ұстанады және Еуропалық қайта құру және даму банкінің (ЕҚҚДБ) жан-жақты қолдауының арқасында осы салада көшбасшылық етуге потенциалы мол. Қазақстан үкіметі «жасыл экономикаға» көшуге жоғары басымдық береді және осы энергетика саласын дамытуға белсенді түрде жәрдемдесуге ниетті. 2020 жылдың қыркүйегінде ЕҚДБ Қазақстан Үкіметімен бірлесіп, жаңартылатын энергия секторын қолдау және гендерлік теңдікті ілгерілету бағдарламасына бастамашылық етті. Бұл бағдарлама Жасыл климаттық қормен қаржыландырылады және EY Қазақстан мен Ergon Associates консалтингтік компанияларының бірлескен қатысуымен жүзеге асырылады.
Бағдарламаның мақсаттары
- Қазақстанның жаңартылатын энергия секторын дамыту мен ондағы әйелдердің мансаптық мүмкіндіктерін ілгерілету
- Секторда жұмыс істейтін әйелдер үшін құқықтық және нормативтік кедергілерді жою
- Жаңартылатын энергия секторына әйелдерді көбірек тарту үшін қолайлы саяси жағдай жасау
- Жаңартылатын энергияны дамытумен айналысатын компанияларға ұйым ішінденгі тең мүмкіндіктерді қамтамасыз ететін ішкі саясат пен тәжірибелерді күшейту арқылы қолдау көрсету
Бағдарлама ішіндегі жобалар
Бағдарлама көптеген жобалар мен іс-шараларды жүзеге асыруды қамтиды.
- Тәлімгерлік бағдарлама бойынша жас мамандар жетекші және ең тәжірибелі сарапшылар мен жаңартылатын энергия саласында үлкен тәжірибесі мен білімі бар мамандардан практикалық білім мен жұмыс тәжірибесін алады
- Кәсіптік даму бағдарламасы бойынша техникалық бағыттар бойынша білім алатын Қазақстан колледждері мен университеттерінің студент қыздары академиялық білімдерін тәжірибе жүзінде ЖЭК объектілерінде қызметкер-мамандардың қарауымен қолданады
- Кәсіптік бағдар беру бағдарламасы бойынша экономиканың перспективалық бағыттары, оның ішінде жаңартылатын энергия көздері үшін жұмысшыларды даярлауды қамтамасыз ету мақсатында әлемнің жетекші экономикаларының үлгісі бойынша Қазақстанның жас тұрғындарына кәсіптік бағдар беру жүйесі енгізілуде
Жасыл жалғасы
Бағдарлама қарқынынын жалғастыру мен оның тұрақты дамуы үшін кейбір жобалар пилоттық іске қосу аяқталғаннан кейін институционалдық және сектор үшін маңызды ұйымдарға берілетін болады. Сонымен қатар, Қазақстан Үкіметі ЖЭК секторын үдемелі дамыту үшін белсенді қызмет жүргізуде.
- Қазақстанда жаңартылатын энергия көздері жайында «Жаңартылатын энергия көздерін қолдау туралы» заң қабылданды
- Қазақстан Париж климаттық келісіміне қол қойды және келісімді ратификациялады
- 2022 жылдың соңына дейін жалпы қуаты 290,6 МВт болатын 10 объектіні пайдалануға беру жоспарлануда
