2023-2030 жылдарға арналған кадрларға қажеттіліктің орта мерзімді болжамы

"Еңбек ресурстарын дамыту орталығы" АҚ дайындаған орта мерзімді болжамға сәйкес базалық (неғұрлым ықтимал) сценарийде 2023-2030 жылдары жалдамалы жұмыскерлерге сұраныс (жаңа сұраныс пен алмастыруға сұранысты қоса алғанда) жиынтық 2 млн-ға жуық адамды - 1 908 мың адамды құрайды.

Көрсетілген кезеңде жалдамалы еңбекке сұраныстың шыңы 2028 жылы күтіледі (базалық сценарийде 261,4 мың адам). Бұл ішінара әйелдердің зейнеткерлік жасын арттыру 2023 жылдан 2028 жылға дейін тоқтатыла тұратындығына байланысты.

2023-2030 жылдар ішінде жалдамалы қызметкерлерге ең үлкен жиынтық қажеттілік білім беру (395,6 мың адам), ауыл шаруашылығы (196,3 мың адам) және сауда (193,2 мың адам) салаларында орын алатын болады. Білім беру саласының кадрларға деген жоғары қажеттілігі елде 2000-шы жылдардың басынан бері байқалып келе жатқан "беби-бум"-ға байланысты.

Өңірлер бөлінісінде жалдамалы қызметкерлерге ең көп жиынтық сұраныс Астана, Алматы және Шымкент қалаларында күтіледі, оларда сценарийге байланысты сұраныс 420-дан 536 мың адамға дейін адамды құрауы мүмкін (республикалықтан 24-26%), оның ішінде базалық сценарий бойынша 476 мың. Ең аз сұраныс орталық, шығыс және солтүстік облыстарда қалыптасады. Жалғасып жатқан урбанизация мен халықтың мегаполистерде шоғырлануының көрінісі бар.

2030 жылға дейінгі жалдамалы жұмыскерлерге жиынтық сұраныс болжамының нәтижелері бойынша ҰҚЖ-2017 5 белгісі деңгейінде қызметтер топтары бөлінісінде қызметтердің ТОП-25 тобы келесідей (мың адам):

1. Бухгалтерлер – 92,0
2. Күзетшілер, инкассаторлар және соған байланысты кәсіптер – 77,8
3. Дүкен сатушылары және олардың көмекшілері – 70,2
4. Әлеуметтік ғылымдар бойынша орта мектеп мұғалімдері – 45,2
5. Автокөлік жүргізушілері – 45,1
6. Күтім бойынша орташа медициналық персонал – 40,0
7. Жаратылыстану ғылымдары бойынша орта мектеп мұғалімдері – 37,9
8. Мектепке дейінгі білім берудегі тәрбиешілер – 36,1
9. Қонақүйлер мен ұқсас мекемелердегі тазалаушылар мен қызметшілер – 34,6
10. Бастауыш сынып мұғалімдері – 32,3
11. Кеңселердегі тазалаушылар – 25,3
12. Шаштараздар – 24,6
13. Басқа орта мектеп мұғалімдері – 23,2
14. Кеңсе қызметкерлері (жалпы профиль) – 22,1
15. Көшелер мен базарлардағы саудагерлер – 21,7
16. Ғимараттардың күзетшілері – 20,6
17. Басқа аспаздар – 20,5
18. Басқа да біліктілігі жоқ жұмысшылар – 20,2
19. Аралас өнім фермерлері мен жұмысшылары – 19,8
20. Дәстүрлі түрде көкөніс өсіретін фермерлер мен жұмысшылар – 19,6
21. Жүк көлігінің жүргізушілері – 17,8
22. Ауыл шаруашылығы өнімдерін өндіруде біліктілігі жоқ жұмысшылар – 16,6
23. Тазалаушылар – 16,5
24. Жылжымайтын мүлік және басқа мүлік агенттері – 16,2
25. Штаттық заңгерлер – 15,2