Қазақстан Республикасының Мәдениет және ақпарат министрлігі Архив, құжаттама және кітап ісі комитетінің "Қазақстан Республикасы Ұлттық мемлекеттік кітап палатасы" республикалық мемлекеттік мекемесі

Қазақстан Республикасы Ұлттық мемлекеттік кітап палатасы (бұдан әрі – Кітап палатасы) 1937 жылдың 19 шілдесінде Қазақ Совет Социалистік Халық Комиссарлар Советі мен Қазақ КСР Халық комиссарлар Кеңесінің және Орталық Атқару Комитетінің «Қазақ Совет Социалистік Республикасы Мемлекеттік кітап палатасын құру туралы» бірлескен қаулысы негізінде құрылған.

        Кітап палатасы Қазақстанда шығатын барлық баспа өнімдерінің «Баспасөз мұрағатын» жинақтайтын республикадағы 85 жылдық тарихы бар дербес жалғыз мекеме.

        Кітап палатасы еліміздің материалдық мәдени мұраларын сақтауда аса маңызды мемлекеттік функцияларды атқарады. Қазіргі негізгі міндеті – осы мәдени мұрамыздың құнды бөлігін сақтап қалу. Мұрағат қорында 5 миллионға жуық баспа өнімдері сақталуда. Сонымен қатар, ХІХ ғасырдың орта шенінен ХХ ғасырдың 30 жылдарына дейін жарық көрген құнды кітаптар мен газеттер сақталған.

        Қазақстан Республикасы ҰМКП мемлекеттік мекеме қызметінің негізі – Қазақстан Республикасында және Қазақстан аумағынан тыс елдерде басылып шыққан құпия емес басылымдардың барлық түрлерінің міндетті бақылау даналары негізінде Баспасөз мұрағатын жинақтау, оларды тіркеуге алу, статистикалық көрсеткішін, библиографиялық өңделуін жүзеге асыру және ұлттық библиографиялық көрсеткіштерді шығару.

Қызметкерлер саны: 5