"Рабия" балалардың мектепке дейінгі шағын орталығы" жеке мекемесі

     «Балалардың мектепке дейінгі шағын орталығы «Рабия» жеке мекемесі Жайлау шағынауданында орналасқан.Балабақша ұжымы  білікті педагогтардан, жоғары санатты тәрбиешілерден, саз жетекшісі,би маманы,логопед,аспазшы және  медбике мамандарынан құралған.

Шағын орталықтың басты мақсаты:мектеп жасына дейінгі балалардың жас ерекшеліктері мен жеке мүмкіндіктеріне сәйкес білім,білік дағдыларын,рухани-адамгершілік құндылықтарын қалыптастыру, «Мәңгілік Ел» жалпыұлттық идеясына негізделген жалпыадамзаттық құндылықтарға , ұлтжандылыққа және толеранттылыққа тәрбиелеу,сондай-ақ баланың мектепте оқуға әлеуметтік-психологиялық , тұлғалық, ерік-жігерлік, физикалық және зияткерлік даярлығы.   Біздің балабақшада мектеп жасына дейінгі баланы тәрбиелеу мен оқыту саласында заман талабына  сай, уақыт сұранысын қанағаттандыратын жаңа бағдарламалармен, технологиялармен қамтамасыз етілген.Балалардың жан-жақты шығармашылық қабілеттерін дамытуда шағын орталықтың шеберлі педагогтары аянбай еңбек етуде. Ағылшын тілі маманы,балаларды ағылшын тілін білуге үйретсе,би маманы мен саз жетекшісі балаларды өнер  жолында тәрбиелеуде. Логопед маманы тілі жағынан қиыншылығы бар балалармен жеке жұмыс жасауда.   

   Балалармен жұмыс жүргізуде әр түрлі инновациялық технологиялар қолданылады: Монтессори элементтері, ТРИЗ технологиясы, «Әуенді кесте»технологиясы, балаларды шынықтыруда дәстүрлі емес әдіс-тәсілдер қолданылады.

   Балабақшада үш мезгіл тамақпен қамтамасыз етілген.Сонымен қатар,балалардың иммунитеттерін нығайтуда түрлі емдік шөптерден жасалған шәйлар мен сусындар беріледі.

 

Қызметкерлер саны: 13