Жұмыс берушілердің шығындарын субсидиялау

Құрметті жұмыс берушілер!

 

Мүгедектігі бар адамдарды жұмысқа орналастыруға жұмыс берушілерді ынталандыру мақсатында 2018 жылдан бастап мүгедектігі бар адамдарды жұмысқа орналастыру үшін арнайы жұмыс орнын жабдықтауға байланысты жұмыс берушілердің шығындарын субсидиялау тетігі енгізілді.

Жұмыс берушілерге субсидиялар олар мынадай шарттарды сақтаған кезде ұсынылады:

1) құрылып жатқан арнайы жұмыс орындарының Қазақстан Республикасы Денсаулық сақтау және әлеуметтік даму министрінің 2016 жылғы 14 маусымдағы № 519 бұйрығымен бекітілген Мүгедектің жұмыс орны стандарттарына сәйкес келуі;

2) мүгедектерді жұмысқа орналастыру және олардың жұмыспен қамтылуын тұрақты жұмыс орны құрылған сәттен бастап сақтау;

3) жұмыс берушіде жалақы бойынша берешектің болмауы;

4) есептелген салықтар, алымдар және бюджетке өзге де міндетті төлемдер бойынша берешектің болмауы;

5) жұмыс берушінің құрылған арнайы жұмыс орындарында атқарып отырған лауазымына сәйкес мөлшерде жалақы төлеуін қамтамасыз етуі.

Толық ақпарат алу және өтінім беру үшін халықты жұмыспен қамту орталықтарына жүгіну.