«Мемлекеттік әлеуметтік сақтандыру қоры» АҚ жұмысынан айырылуы жағдайына әлеуметтiк төлем

НАЗАР АУДАРЫҢЫЗДАР! Сізден жұмысыңыздан айырылған жағдайда жұмыссыз ретінде тіркеліп, жұмысынан айырылуы жағдайына әлеуметтік төлем алуға жүгінуді өтінеміз.

Жұмысынан айырылуы жағдайына төленетін әлеуметтiк төлемге Қ Ұ Қ Ы Қ Мемлекеттік әлеуметтік сақтандыру қорына ол үшін әлеуметтік аударымдар төленген міндетті әлеуметтік сақтандыру жүйесіне қатысушы халықты жұмыспен қамту орталығына жұмыссыз ретiнде тiркелуге өтiнiш берген күннен бастап туындайды.

Ө Т І Н І Ш:

халықты жұмыспен қамту орталығына жұмыссыз ретінде тіркелген кезде

немесе

егер, адам жұмыссыз ретінде тіркелсе, «Азаматтарға арналған үкімет» Мемлекеттік корпорациясына

немесе

егер, адам жұмыссыз ретінде тіркелсе, www.egov.kz «электронды үкімет» веб-порталы арқылы  беріледі.

 

Қ Ұ Ж А Т Т А Р:

1. өтініш берушінің жеке басын куәландыратын құжат (сәйкестендіру үшін);
2. ҚР Еңбек кодексінің 52-бабы 1-тармағы 1), 2) және 3) тармақшаларымен* көзделген еңбек қатынастарының бұзылуын растайтын жұмыс берушінің актісінен көшірме үзінді;
3. банктік шотының нөмірі туралы мәліметтер.

 

Ақпараттық жүйелерде мәліметтер болмаған жағдайда өтінішке мынадай құжаттар қоса беріледі:

1. тұрғылықты тұратын жері бойынша тіркелгенін растайтын құжат (мекенжай анықтамасы немесе ауыл әкімдерінің анықтамасы, Байқоңыр қаласының тұрғындары үшін Ресей Федерациясы Байқоңыр қаласының тұрғын үй шаруашылығының азаматтарды есепке алу және тіркеу жөніндегі бөлімнің анықтамасы);
2. жұмыспен қамту орталығына жұмыссыз ретінде тіркегені туралы мәлімет

*Ескертпе: Еңбек кодексінің 52-бабы:

1. Жұмыскермен еңбек шарты жұмыс берушінің бастамасы бойынша:

1) жұмыс берушінің  - заңды тұлға таратылған,  не жұмыс беруші - жеке тұлғаның қызметі тоқтатылған;

2) жұмыскерлер саны немесе штаты қысқартылған;

3) жұмыс берушінің экономикалық жай-күйінің нашарлауына әкеп соққан өндіріс, орындалатын жұмыстар мен көрсетілетін қызметтер көлемі төмендеген жағдайда бұзылуы мүмкін.

Жұмысынан айырылған жағдайда төленетін ай сайынғы әлеуметтік төлем МӨЛШЕРІ әлеуметтік аударымдарды есептеу объектісі ретінде ескерілген табыстың орташа айлық мөлшерін тиісті коэффициенттерге көбейту арқылы мынадай формула бойынша айқындалады:

 

ӘТ жа = ОАТ х ТАК х ҚӨК,

мұндағы:

      ӘТ жа – жұмысынан айырылған жағдайда төленетін әлеуметтік төлем;

      ОАТ – ол үшін әлеуметтік аударымдар жүргізілген міндетті әлеуметтік сақтандыру жүйесінің қатысушына жұмысынан айырылуы жағдайына әлеуметтік төлемге құқық туындаған айдың алдындағы соңғы 24 күнтізбелік айда әлеуметтік аударымдар төленген (осы кезеңде үзілістердің болу болмауына қарамастан) орташа айлық табысты 24 бөлу;

      ТАК – табысты алмастыру коэффициенті;

      ҚӨК – қатысу өтілінің коэффициенті:

қатысу өтілі 6-дан – 12-айға дейін болса – 0,7;

қатысу өтілі 12-дан – 24-айға дейін болса –0,75;

қатысу өтілі 24-тен – 36-айға дейін болса – 0,85;

қатысу өтілі 36-дан – 48-айға дейін болса – 0,9;

қатысу өтілі 48-ден – 60-айға дейін болса – 0,95;

қатысу өтілі 60 ай және одан жоғары болса – 1,0  құрайды.

 

Міндетті әлеуметтік сақтандыру жүйесінің ол үшін әлеуметтік аударымдар жүргізілген ҚАТЫСУШЫСЫНА жұмысынан айырылған жағдайда төленетін әлеуметтік төлемдер:

егер әлеуметтік аударымдар 6 айдан 12 айға дейін төленсе – 1 айға;

егер әлеуметтік аударымдар 12 айдан 24 айға дейін төленсе – 2 айға;

егер әлеуметтік аударымдар 24 айдан 36 айға дейін төленсе – 3 айға;

егер әлеуметтік аударымдар 36 айдан жоғары  төленсе – 4 айға;

егер кәсіпорынның жабылуы, штат санының қысқаруы немесе өндіріс көлемінің төмендеуі нәтижесінде жұмысынан айырылса, әлеуметтік аударымда 36 және одан көп айға төленсе – 6 айға ТАҒАЙЫНДАЛАДЫ.

      

Жұмысынан айырылған жағдайда төленетін әлеуметтік төлемдер Халықты жұмыспен қамту орталығынан алушыны жұмыссыз ретінде есептен шығарғаны туралы ақпарат алынған айдан кейінгі айдың бірінші күнінен ТОҚТАТЫЛАДЫ.